लोक कलाकार गौकरण मनिकापुरी की प्रयागराज राजिम पर विशेष लेख: महानदी के पूरा अब्बड बाढे हे ,महानदी के पूरा अब्बड बाढे हे ,मंय तो देखत रइथौं भैया ठाढे ठाढे हे

 

गरियाबंद@ ऐती ले आथे सोढूर पैरी नदिया

ओती ले आथे महानदी जी

राजिम तीरथ मा आके भैया

तीनों जुरियागे संगी जी

सरलग झडी अब तो नी माढे हे

मंय तो देखत रइथौं भैया  ठाढे ठाढे हे

पैरी ला कथे पारबती मैया महानदी ला महादेवा जी 

अपन दाई संग संघरा आथे

सोढुंर गनेश देवा जी

 राजीव लोचन खंड मा संउहत ठाढे है

मंय तो देखत रइथौं भैया ठाढे ठाढे हे

आषाढ़ सावन रझरझा के पानी

झडी बादर घन बरसत हे

खलखला के सब नरवा ढोंडगा

बइहा पूरा कस छलकत हे

जब्बर दू सावन भक्ति के रस बाढे हे

मंय तो देखत रइथौं भैया ठाढे ठाढे हे

महानदी के पूरा अब्बड बाढे हे मंय तो देखत रइथौं भैया ठाढे ठाढे हे

गौकरण मानिकपुरी फुलझर घटारानी,लोक कलाकार 

Previous article

Next Post

Next article

Previous Post